زاهد عزت حرش
انوثة متجبرة
حوارية مع لوحة "انوثة
متجبرة"
لا هيّ قدي، ولا انا قدا
محتار شو بَعمل إذا بَدّا
متَجبري، وشايفي حالاّ
عليها انا ما كِنت اتعدا
لو كان فيّ قَطِف الياسمين
وازرعوا بُستان ع خدّا
بَعدني مجنون بالحلوين
مشتاق مَره روّح لعندا
صادق أنا ع الوعد مش تَخمين
قَديش وعدَتني وخالفت وعدا
يا شَوق حابس مكدَس بتشرين
غُصن العِشق مدروز ع زِندا
شميّت بعروقها العطر السّدين
غَبيّت من نَهرا وما كِنت
اتهدّا
وسنين عم تُمرُق وراها سنين
كِبروا سنيني، طَال العُمر،
ودّا
وصِرت بالعمر ع حِفة الستين
عَم انتظر تَ تُصدق بوعدا
شفاعمرو – كانون ثاني 2014
