الموجه
زاهد عزت حرش
اسمَعي أصل الحِكايه
من البداية للنهايه
يوم ما كنا يا عينيه
وانتِ قَعدَه وُمش مَعايه
كُنا لِسه في القلب
يا دوب عِرفا بَعضِنا
الموجَه جرّيت جَنبنا
على شَان يا حلوه تِقول لنا
إنتِ وأنا مين قَدنا
مين زَينا؟؟
دَحنا يا روحي بّسرنا
ولوحدِنا
كُنا عِرفنا بِعضِنا
لما تقبلنا وسطُهم
كان وسطُهم في وسطِنا
وكُلهم غير كُلنا
وحُبهم غير حُبنا
هُما ولا هُما هِنا
هُما هِناك
وإحنا هِنا
من نَظره مَلكِت قلبِنا
كنا عِرفنا بَعضِنا
انتِ وأنا
عشنا ليالي حُبنا
بِحلمِنا وصَحونا
الشَط عارف سِرّنا
والموجَه هي وعدِنا
ع الرمل كتبِت اسمِنا
برموش عينيها ودمعِنا
صار لينا فيها وجّدنا
وحُبنا وقلبِنا
ولا تُقليش إحنا الولاد
والموجه هيَّ أمنا
ليست هناك تعليقات:
إرسال تعليق